നിരവധി അവകാശ സമരങ്ങളിലൂടെ നേടിയെടുത്ത വിദ്യാർത്ഥികളുടെ അവകാശമാണ് വിദ്യാർത്ഥി ബസ് കൺസഷൻ. അത് വർദ്ധിപ്പിക്കുന്നത് ആലോചിക്കുമെന്നും, അതോടൊപ്പം തന്നെ നിലവിലെ കൺസഷൻ തുക കുട്ടികൾക്ക് തന്നെ നാണക്കേടാണെന്നും അഭിപ്രായം പ്രകടിപ്പിച്ച ഗതാഗത വകുപ്പ് മന്ത്രിയുടെ അഭിപ്രായ പ്രകടനം പ്രതിഷേധാർഹമാണ്.
വിദ്യാര്ത്ഥികളുടെ കണ്സെഷന് ചാര്ജ്ജ് വര്ധിപ്പിക്കുക എന്നതുള്പ്പെടെയുളള ആവശ്യങ്ങളാണ് ബസുടമകള് മുന്നോട്ടുവെച്ചിരിക്കുന്നത്. ഇന്ന് രണ്ടുരൂപ കൊടുക്കുക എന്നത് കുട്ടികള്ക്കുതന്നെ നാണക്കേടായി മാറിയിരിക്കുകയാണ്. 2012-ലാണ് അവസാനമായി കണ്സെഷന് ചാര്ജ്ജ് വര്ധിപ്പിച്ചത്. അന്ന് രണ്ടുരൂപയാക്കിയതാണ്. അത് കഴിഞ്ഞ് പത്തുവര്ഷമായിരിക്കുന്നു.
അതേസമയം, ബസുടമകളുമായി ഗതാഗതമന്ത്രി ഇന്ന് വൈകുന്നേരത്തോടെ ചര്ച്ച നടത്തും. മിനിമം ചാര്ജ്ജ് പത്തുരൂപയാക്കാമെന്ന് സര്ക്കാര് നേരത്തെ തന്നെ ബസുടമകള്ക്ക് ഉറപ്പുനല്കിയിരുന്നു. വിദ്യാര്ത്ഥികളുടെ കണ്സെഷന് ചാര്ജ്ജ് വര്ധിപ്പിക്കുന്ന കാര്യത്തില് അനിശ്ചിതത്വത്തിലാണ്.